Dy persona të prekur me virusin Covid-19 kanë humbur jetën gjatë 24 orëve të fundit në Greqi duke e çuar numrin total të të vdekurve në 15.
Nga 15 viktimat, 14 kishin probleme të tjera shëndetësore, 12 ishin burra dhe 3 gra. Mosha mesatare e viktimave është 77 vjeç.
Po gjatë 24 orëve të fundit në Greqi janë shënuar 94 raste të reja. Numri i personave të prekur me koronavirus deri tani është 624. Pjesa më e madhe e rasteve të konfirmuara janë në Athinë. 55.7% janë meshkuj, raportojnë autoritetet greke.
