Ministrja e Shëndetësisë Ogerta Manastirliu ka njoftuar nga konferenca e fundit për shtyp se restorantet dhe lokalet që nuk mbyllen do të gjobiten me plot 20 milionë lekë të vjetra.
Masat e qeverisë për parandalimin e përhapjes së koronavirusit në vendin tonë po shtohen rreptësisht dita ditës.
Manastirliu njoftoi edhe për reduktimin e numrit të personave që punojnë në kompanitë “call center”. Ajo tha se nga sot me gazetarët dhe publiku do të komunikojë virtualisht.
Pjesë nga fjala e Manastirliut:
Ka ende jo pak qytetarë që i sfidojnë këto rekomandime dhe rregulla që ne kemi vënë. Një gjë duhet ta dimë e ta kuptojmë fare mirë. Kjo është tamam çfarë mbjell sot do të korësh nesër. Ndaj edhe qeveria tonë ka përgjegjësinë e përshkallëzimit të masave. Qytetarët nuk e kanë marrë siç shihet me seriozitet përgjegjësinë për veten dhe familjen. Baret dhe restorantet kanë qenë të populluara edhe pas thirrjes tonë. Kjo është një kohë për t’u mbrojtur me përgjegjësi familjare, qytetare por edhe ligjore. Kjo është një kohë për t’u mbrojtur që nesër të mos kemi pasoja. Duke kërkuar mirëkuptimin e të gjithë qytetarëve, kemi vendosur:
1.Mbylljen e lokaleve dhe bareve në Tiranë e Durrës.
2. Gjobë 5 mijë euro për ata që shkelin karantinën.
3. Caktimi i gjobës 20 mln të vjetra për lokalet baret restorantet nëse nuk mbyllen
4. Vendosja e distancës së sigurisë për 1.5 metra
5. Reduktimi i personelit të call center dhe garantimi i distancës së sigurisë
Për hir të mbrojtjes së shëndetit, kam vendosur që unë vetë, ia këshilloj edhe kolegëve të mi, të këshilloj që të përdorim komunikimin virtual, duke e konsideruar të arsyeshme për situatën në të cilën ndodhemi.
