Ministria e Shëndetësisë në Maqedoninë e Veriut informoi se gjatë 24 orëve të fundit kanë ndërruar jetë 4 pacientë, ndërsa janë shënuar 101 raste të reja me koronavirus.
Bëhet me dije se personat që kanë humbur jetën janë nga Shkupi, Kumanova, Prilepi dhe Tetova dhe kishin dhe sëmundje të tjera mbartëse si: diabet, sëmundje të zemrës, tension të lartë e diagnoza të tjera.
101 rastet e reja me koronavirus paraqesin numrin më të lartë të të infektuarve që nga fillimi i muajit prill.
Kujtojmë që deri më tani, në Madedoninë e Veriut 145 persona kanë humbur jetën nga koronavirusi, ndërsa 2.492 janë të infektuar.
