Spitalet e Berlinit vendosën përsëri të ndërpresin pjesërisht vaksinimet me vaksinat e kompanisë AstraZeneca.
Klinikat shtetërore nuk do të vaksinojnë me këtë lloj vaksine gratë nën moshën 60 vjeç pasi u konfirmuan 31 raste të trombozës. Vaksina ishte pezulluar më parë nga Spitali Universitar i Berlinit dhe spitale të tjera në Gjermani.
Pezullimi parandalues i vaksinës tek gratë nën moshën 60 vjeç u vendos sot nga Spitali Vivantes në Berlin, duke vërejtur se direktiva ka të bëjë kryesisht me personelin e saj.
Grupet spitalore Charite dhe Vivantes, të cilat operojnë në kryeqytetin gjerman, thanë se masa ishte një masë paraprake.
“Nga pikëpamja e Charite, ky hap është i domosdoshëm sepse ndërkohë trombozat e venave cerebrale janë bërë të njohura tek gratë në Gjermani”, tha një zëdhënëse në një deklaratë dërguar disa mediave gjermane.
Masa prek kryesisht personelin dhe punonjësit e spitalit – pasi vaksinat ndaj koronavirusit në Gjermani aktualisht janë kryesisht të kufizuara për njerëzit mbi 80 vjeç dhe punonjësit e kujdesit shëndetësor.
Lëvizje të ngjashme janë bërë tashmë nga spitalet në Nordrhein-Westfalen.
