Pas shumë pikëpyetjeve është marrë vendimi përfundimtar që takimi miqësor mes Shqipërisë dhe Ukrainës të luhet në të njëjtën datë, orë dhe vend që ishte caktuar.
Ndeshja e dytë miqësore ku Panuçi do të ketë mundësinë të testojë futbollistët do të luhet në Evian të Francës, të dielën, 3 qershor 2018, në orën 16:00.
Nga pala ukrainase, konkretisht nga trajneri Shevçenko, ishte ngritur pretendimi se ky stadium ishte i papërshtatshëm për një ndeshje të tillë. Ish-futbollisti pretendonte se kishte një kapacitet të vogël dhe mbi të gjithë kishte frikë për sigurinë.
Megjithatë FIFA ka qenë e prerë dhe në rast të mos paraqitjes kombëtarja Ukrainase do të dënohej me gjobë të rëndë.
