Presidenti i Serbisë, Aleksandar Vuçiç, ka kundërshtuar taksën prej 100 për qind të vendosur nga Qeveria e Kosovës, duke kërkuar që të hiqet kjo masë doganore.
Në një konferencë të mbajtur në mesnatën e së mërkurës, presidenti serb duket mjaft i shqetësuar duke bërë thirrje që Kosova ta largoj taksën e vendosur ndaj produkteve serbe.
“Le të shohim se si ne mund të ndihmojmë për ta kapërcyer këtë krizë të vështirë. Ne kemi rënë dakord që të gjitha organet tona të jenë në gatishmëri për t’iu përgjigjur lëvizjet të autoriteteve të Prishtinës”, ka deklaruar Vuçiç.
Gjatë një konference për media Vuçiç ndër tjera ka thënë:
“Porosia ime ndaj shqiptarve është: Ju lutem o njerëz sikur Zotit, kthjelluni dhe kuptojeni që neve na duhet paqe, kuptojeni që nuk na duhet eskalimi i situatës, as popullates serbe e as asaj shqiptare. Ju lutem, ju lutem largojeni këto (taksat ) dhe të ulemi e të bisedojmë që të gjejmë një kompromis.
Sikurse ne që ju respektojmë juve shqiptarëve, duhet edhe ju të na respektoni neve serbëve.
Sikur se ne që ne e kuptojmë faktin që ju Kosovën e shihni si shtet të pavarur – gjë që ne jemi kundër, kuptojeni faktin që ne nuk e shohim Kosovën si shtet të pavarur, ndërsa ne ju kuptojmë juve.
Edhe vetëm përmes kompromisit mund të vijmë deri tek zgjidhja. Pa Serbinë nuk mundet të ketë zgjidhje o njerëz, as nuk munden amerikanët t’u japin e as qe do të munden (pa marrveshje me Serbinë), sikur se që duhet ta kuptojnë e si duket e kuptojmë që Kosova nuk është e gjitha e jona, dhe nuk mund t’i kemi të gjitha ato që duam t’i kemi, vetem se duhet të gjejmë marrveshje dhe kompromis. Unë sinqerisht i lus që ta kuptojnë këtë, sepse ndryshe na dërgojë në një katastrofë”. /IndeksOnline
