Në një postim në facebook, deputetja e Partisë Demokratike, Ina Zhupa ka publikuar dokumentin e Kuvendit që njofton se në seancën plenare të ditës së enjte në datë 14 korrik, deputetët e PS-së do votojnë sërish koncesionin e Butrintit. Zhupa shkruan se shpejtësia për ta bërë fakt paligjshmërinë nuk tregon gjë tjetër vetëm një hall të madh për të gllabëruar zonat e mbrojtura për resorte.
“Asnjë surprizë. Në orën 12:00 kaluan në komision, në orën 16:00 e fusin në seancën plenare të së enjten si pikën e fundit të rendit të ditës. Shpejtësia për ta bërë fakt paligjshmërinë nuk tregon gjë tjetër vetëm një hall të madh për të gllabëruar zonat e mbrojtura për resorte dhe kthyer Butrintin si qendër tregtare dhe kulturore për këto resorte. Historia nuk jepet me koncesion!” – shkruan Zhupa në facebook.
