Ditën e sotme titullari i grupit të PPE në Parlamentin Europian, Michael Gahler i ka bërë një pyetje Komisionerit për Zgjerim, Oliver Varhelyi.
“Shkatërrimi i Teatrit Kombëtar nga kryeministri Edi Rama, a është për ju edhe shkatërrim i shanseve të Shqipërisë për negociata dhe për t’ju bashkuar Europës?”, ju drejtua Gahler Komisionerit ndërkohë që diskutohej për Buxhetin e Partneritetin Lindor.
Komisioneri Varhelyi në përgjigjen e tij theksoi se vërtet çdo shtet vendos vetë për teatrot e monumentet, por jo duke përjashtuar aktorët e rëndësishëm, por duke i përfshirë të gjithë grupet e interesit në konsultim e vendimmarrje.
“I thashë Ramës në telefon se duhej ta kishte evituar konfrontimin dhe të kishte shmangur veprime të tilla,” u shpreh ai.
