Sekretari për Aksionin Qytetar në Partinë Demokratike, Ervin Salianji udhëtoi drejt zonave të Kolonjës. Sipas tij në këto zona po bëhen 3 vite që sundojnë bandat e kanabisit, me mbështetjen e qeverisë. Ai deklaroi se parcela të tëra janë mbjellur me drogë dhe mbahen nën vëzhgim nga njerëz të armatosur.
Salianji u shpreh se vetë banorët e këtyre zonave ndihen të kërcënuar, pasi askush s’duhet t’i afrohet plantacioneve me kanabis. Përfitimet në miliona euro që nxirren nga kjo bimë shkojnë në mënyrën të drejtëpërdrëjtë për drejtuesit e Policisë së Shtetit, për ministrin e Brendshëm dhe për Kryeministrin vijon akuzën Salianji.
Salianji:-“Jam në një prej zonave të Kolonjës, zonë e mbuluar nga kjo bimësi e cila është një çiban, një mortje që ka rënë mbi të gjitha familjet shqiptare të cilat janë të detyruara që fëmijët e tyre, modelin e tyre të kenë dhunë e forcë prej trafikatëve e qeveritarëve.
Kjo bimë e drogë çon përfitime në miliona euro në mënyrë të drejtpërdrejtë për drejtuesit e Policisë së Shtetit, për ministrin e Brendshëm dhe për kryeministrin.
Jam në zonën që njihet si vendlindja e drejtorit të Përgjithshëm të Radiotelevizionit Publik dhe ku vjen shpesh edhe i vëllai i kryeministrit, i cili flitet nga banorët që na kanë sjellë në këtë zonë, që u ofron mbrojtje të drejtpërdrejtë duke telefonuar shefin e komisariatit, duke telefonuar drejtuesit e Policisë së Shtetit për të lejuar mbjelljen e kësaj bime.
Gjithë lugina dhe zona është e mbjellë dhe e rrethuar në këtë formë dhe këtu jemi në vetëm disa qindra rrënjë të cilat janë mbjellë për herë të dytë ose të tretë. Kjo bimësi sjell përfitime të drejtpërdrejta nga trafikantët e më pas drejt qeverisë duke mjeruar dhe varfëruar popullin, duke dhënë një model që për Shqipërinë është kthyer në plagën më të madhe sociale, në themelimin e republikës së drogës e cila duhet shembur njëherë e mirë bashkë me Edi Ramën dhe shpurën e tij që e rrethon”.
