Zëdhënësja e Komisionit Evropian, Maja Koçijançiç ka njoftuar se takimi mes presidentit të Kosovës Hashim Thaçi dhe atij të Serbisë, Aleksandar Vuçiç do të zhvillohet nesër në Bruksel.
Koçijançiç shprehet se takimet në Bruksel do të zhvillohen në kontekstin e diskutimit për vazhdimin e dialogut për normalizimin e marrëdhënieve ndërmjet Beogradit dhe Prishtinës.
“Ata do të priten nga Përfaqësuesja e Lartë Federica Mogherini në një takim joformal të presidentit të Serbisë Aleksandar Vuçiç dhe Presidentit të Kosovës, Hashim Thaçi.
Vuçiç dhe Thaçi, do të bisedojnë për zbatimin e marrëveshjeve të cilat tashmë janë arritur në dialog dhe zbatimi i të cilave është në vazhdim e sipër”, ka thënë Kocijancic në selinë e Komisionit Evropian në Bruksel.
