“Unë nuk pranova të shkoj lart në hotel me të, por më mori duke më bërë presion me anën e pistoletës. Unë ndejta me të në hotel rreth një orë, gjatë kohës që ndejtëm në hotel më gjuajti e shpulla, me grushta dhe më drejtoi pistoletën. Më dogji me cigare në kofshë dhe më goditi në pjesën e kokës me pistoletë. Mua më ra të fikët dhe u përmenda më vonë nuk më kujtohet a bëmë marrëdhënie seksuale, kur u përmenda po më merrte me të mira dhe më pas unë dola më para nga hoteli.”
Kjo ka qenë deklarata e Xhisiela Malokut, e cila ka denoncuar djalin e deputetit socialist Rrahman Rrahja për dhunë. Dhunë ka pasur, por fotografia e shpërndarë sot nga mediat nuk i përket asaj.
Duke shkruar “Foto ilustruese” mbi përshkrimin e fotografisë, ish-nënkryetari i Forumit Rinor socialist, Juxhin Çela ka reaguar lidhur me rastin e Xhisiela Malokut. Ai ka shpjeguar se fotografia është ilustruese, por mediat e kanë raportuar këtë imazh si të Xhisielës.
Postimi i plotë:
Vajza e vogël jetime që pasi ishte përdhunuar dhe dhunuar barbarisht nga #RexhepRraja vajti në Policinë e Shtetit për të bërë denoncimin.
Nuk e dinte se #PoliciaShtetit në fakt janë #MercenareTeTaulantit!
Aty në prani të oficerëve të policisë futet Rexhep Rraja me Taulant Ballën dhe nxjerrin nga komisariati vajzën që të mos bënte denoncimin dhe më pas e futen në limuzinen e tyre, ku me gjasa kërcenimet/rrahja ka vazhduar në drejtim të vajzës jetime.
Nëse kjo do të kishte ndodhur në Ruanda sot nuk do të kishte qeveri aty, pasi njerëzit do të kishin hequr zvarrë nga zyrat të ngjashmit e Taulantit.
Kjo ngjarje na tregon se ka rënë shteti/Kushtetuta dhe është ngritur banditizmi i pushtetarëve!
