Ish- kryeministri, Sali Berisha, ka reaguar ndaj talljeve që Edi Rama bënë me protestuesit. Përmes një postimi në Facebook ai ka ironizuar deklaratën e bërë nga kryeministri Edi Rama i cili tha se në protestë po merrnin pjesë persona me makina tip “X5”.
Berisha ka nxjerrë një foto ku dallohen protestuesit të cilët kanë dalë për të pestën ditë me radhë dhe janë njerëz me aftësi ndryshe të cilët nuk e përballojnë dot rritjen e çmimeve dhe të naftës. “‘Këta janë protestuesit me X5!? Turp!”, shkruan Berisha në Facebook.
Që nga dita e parë e protestave Berisha ka shprehur mbështetjen e tij, ndërsa iu bën thirrje qytetarëve të mblidhen edhe më shumë.
