Policia e Durrësit ka arrestuar një person i kërkuar nga drejtësia italian për akuzën e trafikimit të drogës.
Në pranga është vënë shtetasi Hektor Kosturi 31 vjeç, banues në Durrës, me qëllim ekstradimin e tij drejt Italisë.
Kosturi ishte shpallur në kërkim ndërkombëtar, pasi Prokuroria e Parmës, Itali më datë 25.10.2014 ka vendosur masën e sigurisë “Arrest me burg” për veprën penale “Pjesëmarrje në organizatë kriminale me qëllim transportimin dhe shitjen e lëndëve narkotike”.
Hektor Kosturi, më datë 17.01.2014, në bashkëpunim me shtetas të tjerë shqiptarë dhe italianë dyshohet se ka organizuar transportin e rreth 60 kg lëndë narkotike e dyshuar e llojit heroinë me qëllim shitjen e saj në Parma të Italisë.
Materialet i kaluan Prokurorisë së Rrethit Gjyqësor Durrës për veprime të mëtejshme.
