Studentët e drejtësisë janë shoqëruar në komisariatin e policisë, pasi kërkuan dorëheqjen e Ministres së Drejtësisë Etilda Gjonaj.
Bëhet me dije se pas protestës së zhvilluar përpara Ministrisë së Drejtësisë, efektivët e komisarjatit numër 3 në kryeqytet, kanë shoqëruar 3 studentët që kërkuan dorëheqjen e Gjonajt.
Pas këtij veprimi në Komisariat kanë mbërritur edhe deputetët e LSI-së Endrit Braimllari, Kejdi Mehmetaj dhe Floida Kërpaçi. Nuk dihet nëse do të ketë procedim penal për studentët apo ndonjë masë më të lehtë.
