Ekstremistët grekë, kërcënojnë 64 shqiptarë. Përmes një deklarate të publikuar në “himara.gr”, oraganizata e fshehtë, “Grupi i lartë i policisë” shpall në kërkim 64 shqiptarët e parë. “Do t’i ndjekim dhe godasim edhe brenda në Shqipëri”, thuhet në deklaratën e tyre.
Shpëtim Idrizi, kryetari i PDIU është një nga shqiptarët e kërcënuar nga organizata ekstremiste greke. Ndërsa disa nga emrat e tjerë të bërë publik janë:
-Gazetari Artan Hoxha, përmendet i pari. Pas vrasjes së Kacifas ai shkroi në Facebook: “Pushka top djemve të RENEA-s. Më mirë të qajnë nënat e tyre sesa të vishen me të zea nënat shqiptare”, duke kujtuar ngjarjen e Peshkëpisë në vitin 1994.
-Agim Bajko
-Ilir Mukaj
-Shoqata “Djemtë e Labërisë”
-Dritan Bici
-Tahir Veliu
Ky reagim i ekstremistëve vjen si kundërpërgjigjie për vrasjen e Kacifas, ndërsa nuk zbulojnë emrat e tjerë, ata kërcënojnë edhe drejtuesit e televizionit shqiptar që sipas tyre bllokojnë sinjalin e kanaleve televizive greke në Jug të Shqipërisë.
