Në një postim që ka bërë në rrjetet sociale, deputeti i Partisë Demokratike, Belind Këlliçi ka reaguar sërish në lidhje me aferën miliona eurosh të inceneratorëve. Këlliçi i ka bërë thirrje SPAK që t’i shkojë deri në fund hetimit. Sipas deputetit nëse SPAK i shkon deri në gjysmë hetimit të nisur, në pranga bie direkt Erion Veliaj.
“E kam thënë dhe e rithem: Nëse SPAK ka këllqe t’i shkojë deri në gjysmë hetimit të inceneratorëve, në pranga bie direkt Erion Veliaj. Merita Hajdari ishte emri i radhës që u përdor nga bosët e inceneratorëve. Një e moshuar që mbijeton duke mbledhur kanoçe e duke punuar në të zezë. Çdo ditë po publikohen fakte tronditëse që po i heqin maskën këtij pushteti kleptokratik. Skema e inceneratorëve është këmbanë alarmi për “drejtësinë e re”. Është një test për SPAK-un dhe gjithë organet ligjzbatuese. Përse nuk thirret kryebashkiaku i Tiranës për të dëshmuar? Përse “drejtësia” ndjek dy standarde? Përse inceneratori i Tiranës nuk është konfiskuar akoma? Këto pyetje dhe shumë të tjera presin përgjigje nga organet e sipërpërmendura. Fakte të reja do të dalin në dritë. Shqipëria ka nevojë për drejtësi reale dhe të barabartë, për ndarje pushtetesh dhe sundim të ligjit. Kjo mund të kontribuojë në një inflacion edhe më të lartë në eurozonë, i cili tashmë po shkon në 8.6% për qershorin” – shkruan Këlliçi në facebook.
