Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

KE i prezanton Këshillit të BE kuadrin negociues me Shqipërinë dhe Maqedoninë e Veriut: Përcaktohen udhëzimet e pranimit

Nga Ejona 0

Komisioni Europian i  ka prezantuar Këshillit të Bashkimit Europian kuadrin negociues me Shqipërinë dhe Maqedoninë e Veriut. Komisioni Europian konfirmoi prezantimin e tyre në një komunikatë për shtyp.

Për përcaktimin e një date për hapjen zyrtare të negociatave me Shqipërinë dhe Maqedoninë e Veriut duhet që ky kuadrër negociues të aprovohet nga shtetet anëtare të Bashkimit Europian, shkruan Varhelyi në Twitter.

Kuadri negociues përmban parimet, strukturën, thelbin e procesit të negociatave dhe bazohet në metodologjinë e rishikuar të zgjerimit për dy vendet.

Deklarata e plotë:

Sot, Komisioni Evropian i paraqiti Këshillit draftin e kornizave të negociatave për Shqipërinë dhe Maqedoninë e Veriut, duke përcaktuar udhëzimet dhe parimet për bisedimet e tyre të pranimit.

Komisioneri për fqinjësi dhe zgjerim Olivér Várhelyi komentoi: “Sot shënohet një hap tjetër i rëndësishëm në rrugëtimin e Shqipërisë dhe Maqedonisë së Veriut drejt Bashkimit Evropian. Propozimet tona bazohen në metodologjinë e rishikuar të zgjerimit që kemi paraqitur në shkurt për ta bërë procesin e pranimit më të besueshëm, me një drejtues më të fortë politik, më dinamik dhe të parashikueshëm. Mezi pres diskutimet me shtetet anëtare dhe mbajtjen sa më shpejt të një konference ndërqeveritare me të dy vendet”.

Një kornizë për negociatat e pranimit

Kuadrat negociues vendosin udhëzimet dhe parimet për negociatat e pranimit me secilin vend kandidat. Draft-kornizat janë ndarë në tre pjesë:

1) parime që rregullojnë negociatat e pranimit,

2) përmbajtja e negociatave,

3) procedura e negociatave.

Objektivi i negociatave është që Shqipëria dhe Maqedonia e Veriut të adoptojnë në tërësi acquis të BE-së dhe të sigurojnë zbatimin e plotë pas pranimit.

Besueshmëria është forcuar përmes një përqendrimi edhe më të fortë në reformat themelore, duke filluar me sundimin e ligjit, funksionimin e institucioneve demokratike dhe administratën publike, si dhe ekonominë e të dy vendeve. Propozimet parashikojnë gjithashtu një udhëheqje më të fortë politike të procesit, dhe më shumë dinamizëm duke organizuar kapitujt negociues në grupimet tematike. Hapat e ardhshëm

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej