Skënderbeu dhe Partizani vazhdojnë ndeshjen e tyre nw distancë, duke mbajtur të njëjtin ritën nga njëri-tjetri. Korçarët kanë mundur thellë Flamurtarin me rezultatin 5-1, por kanë qenë vetë vlonjatër që kanë kontribuar për të shkatëruar veten e tyre. Kanë rezistuar pjesën e parë, duke e mbyllur në barazim 1-1, me gola të Radas për vendasit dhe Lushtakut nga pika e bardhë, ndërsa pas kthimit nga dhomat e zhveshjes kanë gabuar sa mundën. E gjithë mbrojtja, duke përfshirë portjerin Lika e ndihmuan Salihin të shënonte tre herë, më pas Xhejmsin dhe Flamurtari vazhdon të jetë i rrezikuar, me vetëm dy pikë larg zonës që të çon një kategori më poshtë. Ndërsa Partizani vë diktatin e tij në Durrës, duke u treguar fillimisht pragmatist, me një gol të Bathës, ndërsa në pjesën e dytë ishte thjeshtë i mrekullueshëm. Përpara se Asion Daja, i ardhur nga stoli, të mbyllte llogaritë me Teutën, këtë duhet ta kishte bërë më parë Sukaj me dy raste të shpërdoruara në mënyrën më të çuditshme. Githsesi, Agostineli dhe të tijët mbeten -4 nga kampionët dhe lufta vazhdon. Tirana nuk di të fitojë më, madje nuk ndikoi tek permormanca as ndriçimi për herë të parë në histori i “Selman Stërmasit” dhe as rikthimi i titullarëve të munguar, si Bakaj dhe Vucaj. Madje për të qenë më korrekt, duhet thënë që kuksianët e drejtuar nga një “ish”, Klodian Duro, meritonin më shumë se goli i Flores, që barazoi atë të Muzakës shënuar në fillim të takimit. Dhe në fund Vllaznia, skuadra që ka bërë hapin e madh, duke fituar në transfertën e Ballshit dhe tashmë shkëputet shtatë pikë nga Bylisi i vendit të parafundit, duke arritur kështu një distancë sigurie në përpjekjet për t’i mbijetuar Superiores, gjë që i mungonte prej kohësh. Golin e vetëm të takimit e shënoi Kalaja, futbollist i dalë nga Akademia shkodrane dhe që sezonin e ardhshëm me shumë gjasa do ta shohim tek Peskara.
Rezultatet e javës së 27-të
Tërbuni – Laçi 1-1
Bylis – Vllaznia 0-1
Skënderbeu – Flamurtari 5-1
Teuta – Partizani 0-2
Tirana – Kukësi 1-1
