Presidentja e Komisionit Evropian Ursula von der Leyen është larguar nga samiti i Bashkimit Evropian në Bruksel, pasi ka pasur kontakt me një person të infektuar me Covid-19.
Me anë të një postimi në “Twitter” Leyen bën me dije se ka pasur kontakt me një person i cili ka rezultuar pozitiv me Covid-19 dhe do të karantinohet.
“Sapo jam informuar se një anëtar i zyrës sime të përparme ka dalë pozitiv në COVID-19 këtë mëngjes. Unë vetë kam testuar negativisht. Sidoqoftë si një masë paraprake unë po largohem menjëherë nga Këshilli Evropian për të shkuar në vet-izolim,” shkruan Ursula von der Leyen në postimin e saj.
