Të arrestuarit falsifkonin pasaporta shqiptare dhe serbe
Policia kufiatare e Korçës ka arrestuar tre shtetas, midis të cilëve edhe një punonjës policie, pasi akuzohen për falsifikim dokumentash, shpërdorim detyre dhe dhënie ndihme për kalim të paligjshëm të kufijve.
Të arrestuarit janë: Lefter Bardho, 47 vjeç, banues në Pogradec, me detyrë kontrollor në PKK Kapshticë, për akuzën e “Shpërdorimit të detyrës”, si dhe shtetasit Marsel Miço, 38 vjeç, Ilia Çipi, 46 vjeç, banues në Korçë, mbi dyshimet për kryerjen e veprave penale të “Falsifikimit të vulave, stampave ose formularëve” dhe të “Ndihmës për kalim të paligjshëm të kufijve”.
Policia bën me dije se këta shtetas në bashkëpunim me njëri-tjetrin, kanë ndihmuar disa persona për të kaluar në mënyrë të paligjshme kufirin, duke përdorur pasaporta shqiptare dhe serbe si dhe në bazë të ngjashmërisë fizike, në Pikën e Kalimit Kufitar të Kapshticës.
Gjatë këtij operacioni janë sekuestruar në cilësinë e provës materiale: 9 pasaporta biometrike shqiptare, 1 pasaportë biometrike serbe, 4 aparate telefoni cellular dhe 2 automjete “Mercedes benz” me targa AA748OG dhe AA361NY.
Materialet procedurale i janë përcjellë Prokurorisë për ndjekje të mëtejshme dhe për zbulimin e lidhjeve të mundshme këtij grupi kriminal
