Një makinë me targa angleze YC54WSU, është dukur e dyshimtë nga policia në pikën e Kalimit Kufitar “Tre Urave” në Përmet. Gjatë kontrollit brenda saj janë gjetur 25 mijë paund të padklaruara.
Drejtuesi i automjetit me krah anglez ishte shtetasi kosovar Ardian Ndreka. Ky person është banues në Deçan të Kosovës i shoqëruar nga Brahman Berisha, banues në Prishtinë.
Ardian Ndreka për një periudhë 3-vjeçare ka futur në Shqipëri 15 mjete me targa britanike në periudha të ndryshme kohore në pika të ndryshme kufitare.
Pas veprimeve të kryera u sekuestruan kartmonedhat angleze së bashku në automjetin që i transportonin dhe filloi procedimi ndaj dy shtetasve kosovare për veprën penale të mos deklarimit të të hollave në kufi.
