Një 32-vjeçar shqiptar është arrestuar pasditen e së hënës nga agjentët e skuadrës së lëvizshme të Padovës në Itali për posedim të lëndëve narkotike.
Sipas mediave vendase, shqiptari, banues në Padova dyshohet se ishte shpërndarës droge, pasi policia e ndaloi përgjatë rrugës “Via Dei Colli” në Padova dhe i gjeti në makinë 200 gram hashash.
Agjentët shkuan në vendin ku ai jeton dhe në pyll, disa qindra metra larg shtëpisë së tij, falë nuhatjes së qenit antidrogë Tarol, iu gjet gati gjysmë kilogrami kokainë. Në shtëpi ishin fshehur edhe njëqind e pesëdhjetë gram hashash dhe marihuanë si dhe peshore precize, material paketimi dhe 3500 euro para cash.
32-vjeçari është dërguar në paraburgim ku pritet të dalë para gjykatës për vendimin.
