Tre të rinj shqiptarë të cilët po tentonin të arratiseshin drejt Irlandës janë arrestuar në flagrancë gjatë kontrolli të një kamioni në një port të Spanjës.
Të rinjtë e moshës 18, 21 dhe 23 vjeç u kapën nga autoritetet portuale të Santaderit.
Mediat spanjolle bëjnë me dije se kamioni do të imbarkohej në një anije me destinacion Irlandën.
Tre shqiptarët hynë në kamion duke çarë pjesën e tavanit, më pas ata zbrazën disa kuti me mallra që ndodheshin të ngarkuara dhe u fshehën mes tyre.
Sipas autoriteteve, shqiptarët kanë shkaktuar kështu edhe dëme të konsiderueshme monetare si në kamion dhe te malli që ndodhej brenda.
