“Ju s’keni mjaftueshëm pranga për të gjithë ne”, “Solidaritet me Kukësin”, “Poshtë shteti policor”, “Demokracia ndodhet në rrugë”, “Kur dhuna bëhet ligj, liria është afër”, janë këto disa nga parrullat e shkruara në muret e Tiranës sot.
“Në solidaritet me protestuesit e djeshëm në Kalimash, e veçanërisht me qytetarët e Kukësit ndaj të cilëve represioni policor është më i madh, aktivistët e Organizatës Politike kanë shkruar këto parrulla në muret e Tiranës. Ju bëjmë thirrje mbështetësve e simpatizantëve tanë, si dhe gjithë qytetarëve, që të solidarizohen në një mënyrë a në një tjetër me protestën e drejtë, kundër shtypjes ekonomike dhe policore! P.S: Në orën 18:30 do të protestohet para Drejtorisë së Policisë në Tiranë, ku pritet të sillen protestuesit e arrestuar padrejtësisht. Bashkohuni!”, shkruan kjo organizatë.
