Një aksident tragjik ka ndodhur në Breshia të Italisë ku një 21 vjeçar ka humbur jetën. I riu shqiptar po udhëtonte me mjetin tip “Citroen 2” në autostradën “469” në Sarnico, rreth orës 11:00.
Bëhet me dije se 21 vjeçari u përplas me një tjetër mjet që drejtohej nga një 63 vjeçar italian, ndërkohë në automjet gjendeshin prindërit e këtij të fundit përkatësisht 90 dhe 87 vjeç.
Mësohet se e ëma 87-vjeçare ka mbetur e plagosur rëndë dhe është transportuar me helikopter në spital. Ndërsa 90-vjeçari dhe 63-vjeçari janë jashtë rrezikut për jetën, pavarësisht dëmtimeve të marra. Policia po zbardh shkaqet e plota të aksidentit.
