Një aksident i rëndë rrugor ka ndodhur në komunën e Mezzana Bigli në provincën e Pavias në orët e para të mëngjesit të sotëm. Dy automjete të tipit Suv Hyundai e Skoda u përplasën me njëra tjetrën dhe si pasojë automjeti i shtetasit shqiptar ka përfunduar jashtë rruge në një kanal të thellë me ujë.
Ka humbur jetën shtetasi shqiptar N.B, 57 vjeç ndërkohë drejtuesi i mjetit tjetër, shtetasi italian 33 vjeçar është në gjendje mjaft të rënduar. Sipas hetimeve uji ka depërtuar brenda makinës ndërsa nuk dihet nëse vdekja e shqiptarit është shkaktuar nga mbytja në ujë apo nga përplasja e dhunshme me automjetin tjetër.
