Nga Rexhep Rada
Sikur të rinjtë të lexonin libra sa 1% e kohës që kalojnë në kafe dhe festa dhe sikur pronarët e bareve të ofronin takime letrare…
“Është shtëpi libri”, është një shprehje elbasanase që tregonte para disa vitesh vlerësimin e madh që kishin ata për familjet intelektuale. Bëhet fjalë për ata, elitën e vërtetë, që lexonte e hapte mendjen. Veprat e autorëve të mëdhenj dhe librat shkollorë i jepnin një edukim të magjishëm të rinjve dhe Shqipëria u mbush me akademikë elbasanas në ato vite.
Të rinjtë e sotëm nuk përqëndrohen dot mbi rreshtat e vëllimeve artistike. Dhe koka e tyre bosh, as nuk i kupton edhe kur përpiqet t’i lexojë…
Madje ka të rinj që lexojnë ca lobra ordinere “si të bëhesh i pasur”, “si të kesh sukses me meshkujt” dhe ca tituj të turpshëm që nuk më lejon etika t’i përmend...
Sot shohim shumë pak shtëpi librash dhe shumë shtëpi tallavash. Të rinjtë enden me orë të tëra nëpër lokalet me hip hop e tallava deri sa shkon ora e gjumit.
Kam një thirrje: “Këto lokalet lounge të organizojnë takime letrare një herë në javë ku të diskutohet një libër…. ”
Besoj do jetë interesante të mblidhet një pakicë me vlera që të ndikojë më tej tek të tjerët…
