Ish-Presidenti Alfred Moisiu i cili ka qënë në krye të shtetit gjatë viteve 2002-2007, tashmë 90 vjeç vendos të japë mesazhin e tij në lidhje me situatën aktuale të vendit, pra atë të krizës politike.
Ndërkohë që tensionet mes kreut të shtetit dhe qeverisë janë rritur, ai ka këshilluar Presidentin aktual Meta të mos bëhet palë, por të debatojë dhe të kërkojë respektimin e Kushtetutës.
“Përfaqësojnë unitetin e kombit dhe unitetin e kombit nuk mund ta përfaqësosh nëse bëhesh palë ose merr pjesë në debatet e ndryshme politike. Presidenti bën debate kushtetuese për mbrojtjen e kushtetutës dhe interesave të vendit. Unë u përpoqa të jep një shembull, të cilin e ndjek sipas eksperiencës”, u shpreh Moisiu.
Moisiu është nderuar edhe me titullin “Nderi i Qarkut të Tiranës”, një çmim që e ka marrë ne ceremoninë e zhvilluar në qytetin e Kavajës, ku ai ka kaluar një pjesë të fëmijërisë.
“Ndihemi shumë i ri në fakt. Në Kavajë unë kam kaluar një pjesë të fëmijërisë sime. Kjo mund të ishte bërë edhe në Tiranë, por ata vendosën në Kavajë. Unë jam pjesë e Kavajës”, u shpreh Moisiu.
A s’ju duket se i përuleni shumë liderëve perëndimorë? –
Kryeministri Edi Rama, po dilte nga pallati i Kulturës ‘Labëria’ në Vlore në përfundim të takimit me banorë të Zvërnecit,...
