Kriminelët po përdorin shërbimet e ofrimit të ushqimit për të transportuar drogë dhe mallra të tjera të paligjshme ndërsa vendi është i izoluar për shkak pandemisë globale COVID-19.
Interpol raporton se ka marrë të dhëna nga policia në Irlandë, Malajzi, Spanjë dhe Mbretërinë e Bashkuar të cilët kanë identifikuar shoferët që kryenin dërgesa dhe transportonin droga të tilla si kokainë, marijuanë, ketaminë dhe ekstazë.
Në fillim të prillit, Policia Kombëtare Spanjolle identifikoi dhe arrestoi shtatë persona të veshur si shoferë “delivery”. Të dyshuarit u kapën duke shpërndarë kokainë dhe marijuanë me biçikletë, motor dhe makinë.
Në Irlandë, oficerët e Gardai zbuluan 8 kilogramë kokainë, si dhe dy armë armë të fshehura në kuti picash.
“Ndërsa kriminelët vazhdojnë t’i përshtatin aktivitetet e tyre në një botë të mbërthyer nga COVID-19, njoftimet e Interpol janë mjete thelbësore për t’i mundësuar policisë në të gjithë botën që të mësojnë nga sukseset e njëri-tjetrit,” tha Stephen Kavanagh, Drejtori ekzekutiv i Interpol.
Transportuesit e dorëzimit mund të jenë ose jo të vetëdishëm se cfarë po transportojnë. Në rastet e sjella në vëmendjen e Interpol-it, të dyshuarit ndonjëherë maskoheshin dhe mundoheshin të fshihnin atë që po transportoni.
Një rast në Malajzi, një ‘deliver’ kontaktoi policinë dhe kërkoi që paketa e tij e ushqimit të kontrollohej pasi kishte dyshime.
