Kryetari i Partisë Demokratike, Lulzim Basha, ka zhvilluar një takim me kancelaren gjermane, Angela Merkel në Gjermani, gjatë punimeve të Kongresit të CDU-së, ku Merkel u rizgjodh kryetare e forcës politike që ajo drejton.
Në një njoftim të shpërndarë nga zyra e shtypit e PD-së, thuhet se Basha ka falenderuar kancelaren Merkel për mbështetjen që i ka dhënë Shqipërisë dhe gjithashtu Basha ka shprehur nevojën që ka në rrugën e integrimit europian, konsolidimit të demokracisë dhe mbështetjen për të luftuar krmin.
“Gjatë Kongresit pata mundësinë të bisedoj me Kancelaren Merkel.
E falenderova atë për ndihmën ndaj Shqipërisë dhe shpreha nevojën që ka vendi ynë për mbështetjen gjermane jo vetëm për integrimin në BE, për edhe për të luftuar krimin, korrupsionin dhe për të garantuar demokracinë në vend.
Dua t’i siguroj të gjithë shqiptarët se mbështetja e Kancelares Merkel për Shqipërinë dhe shqiptarët do të jetë e palëkundur“, thuhet në deklaratë.
