Lista e vizitorëve të Shqipërisë kryesohet nga europianët
Në vitin 2015 Shqipërinë e kanë vizituar mbi 4 milion të huaj që kanë ardhur në vendin tonë për arsye turistike. INSTAT, bazuar edhe në të dhënat e Organizatës Botërore të Turizmit, ka publikuar shifrën prej 4’131’242 të huajsh që e kanë vizituar Shqipërinë gjatë gjithë vitit 2015. Europianët kryesojnë listën e vizitorëve, ndër të cilët, sërish jemi më tërheqës për europiano-jugorët.
Gjatë tremujorit të katërt të 2015 rreth 544’500 europiano-jugorë vizituan vendin tonë, tendencë të cilën e konfirmojnë edhe agjencitë turistike. Po aq tërhës duket se jemi edhe nga zonat e tjera të Europës si europiano-qendrorët, veriorët dhe ato lindorët. Një rënie të numrit të turistëve nga Amerika vihet re në tremujorin e katërt të 2015, krahasuar me të njëjtën periudhë të një viti më parë.
