Një incident është regjistruar sot në takimin e deputetes Rudina Hajdari me të rinjtë në shkollën e gjuhëve të huaja “Shejnaze Juka” në Shkodër.
Në një aktivitet në kuadër të Ditës Europiane të Gjuhëve të Huaja, një prej nxënësve është çuar në këmbë duke i thënë deputetes se është shtojcë e Edi Ramës në parlament dhe se është turpi i këtij vendi.
Hajdari: Ti je djalë i ri dhe nuk duhet të merresh me politikë. Ne jemi këtu për të festuar, a je nga Evropa apo nga je? Do bëhesh çun evropian apo jo?
Nxënësi: A njef Azem Hajdarin?
Rudina Hajdari: Unë e njoh Azem Hajdarin e më vjen mirë që e njeh Azem Hajdarin.
Nxënësi: Unë e njof Azem Hajdarin, po s’e njeh ti! Ai ka luftuar për demokracinë këtu, ti po lufton me sjell komunizimin. Shtojca e Edi Ramës je ti, ti je turpi i shqiptarëve! Je turpi i shqiptarëve!”.
