Ish kryetari i LSI-së, Ilir Meta është shprehur në emisionin “Zonë e Lirë” se pas marrëveshjes Rama-Basha gara është bërë më demokratike dhe sipas tij, do të ketë surpriza.
Ndërkohë që gazetari Arian Çani po ngacmonte kreun e Kuvendit me deklaratën që bëri Rama pasditen e të premtes në Korçë, ku tha se PS do të marrë më shumë se 71 deputetë, Meta është shprehur me të qeshur se 71, PS i merr bashkë me PD.
“71 me gjithë PD”- tha Meta.
Çka e ka bërë Arjan Çanin të habitet dhe i ka kërkuar ta përsërisë këtë deklaratë nga e cila nënkuptohet se mes PD dhe PS do të ketë një koalicion paszgjedhor, por Meta më tej tha se kjo ishte një shaka.
