Kryetari i PDIU-së, Shpëtim Idrizi, ka hyrë në listën e personave që Greqia do t’i kërkojë për t’i ndëshkuar. Idrizi bashkë me disa drejtues të Shoqatës “Çamëria” në Izmir të Turqisë, janë shfaqur në një fotografi me duart e kryqëzuara si simboli i shqiponjës.
Ditët e fundit është masivizuar shfaqja e pamjeve të shqiponjës në pëllëmbët e shqiptarëve të njohur apo edhe të huajve të famshëm. Kjo valë virale e simbolit të shqiponjës nisi me shtatë ushtarët shqiptarë në ushtrinë greke, të cilët u shfaqën me duart e kryqëzuara si shqiponjë, për të vazhduar më pas me një tjetër ushtar shqiptar në ushtrinë greke, e më tej me personalitete të ndryshme, të cilat kanë simpati për shqiptarët, teksa bëjnë simbolin e shqiponjës me duar. Ky gjest ka shkaktuar zemërim të madh tek autoritetet dhe mediat greke që e kanë gjetur armikun; është Çamëria!
Pas shfaqjes së kreut të PDIU-së me duart e kryqëzuara si shqiponjë, me siguri autoritetet e Athinës zyrtare po kërkojnë rrugët për ndëshkimin e tij…
