Doktor David Nabarro, i dërguari special i Organizatës Botërore të Shëndetësisë në një intervistë për BBC ka deklaruar se koronavirusi nuk do të ikë dhe do të persekutojë njerëzimin për shumë kohë.
“Ende nuk dimë se sa imunë mund të jenë edhe personat që e kanë kaluar njëherë COVID-19. Kjo do të thotë që elementët mbrojtës si maskat do të jenë pjesë e jetës sonë për një kohë të gjatë’, tha zyrtari i lartë i OBSH-së.
Do të ketë shpërthime të vogla që do të dalin herë pas here. Çelësi për këtë virus është që çdo komunitet të veprojë si një mburojë, të mbledhë rastet sa herë që dalin në pah dhe t’i izolojë, duke frenuar përhapjen.” u shpreh Nabarro.
