Një aksident i rëndë është shënuar në Itali, ku i plagosur ka mbetur një 47-vjeçar shqiptar. Ngjarja ka ndodhur mbrëmjen e djeshme në në via Costanzo II, në Forlì, ndërsa sot mediet italiane bëjnë me dije se 47-vjeçari shqiptar, banues në Ravenna ndodhet në gjendje shumë të rëndë në spital.
Sipas mediave italiane, 47-vjeçari ka humbur kontrollin e makinës, një tip Fiat Panda, teksa po udhëtonte në drejtim të autostradës.
Dyshohet se shkak është bërë shpejtësia përtej normave të lejuara.
Në vendngjarje kanë ndërhyrë punonjësit shëndetësorë, zjarrfikës dhe policia lokale. 47-vjeçari u transportua me autoambulancë në Bufalini di Cesena, ku ndodhet ende në spital me prognozë të rezervuar.
