Albert Cara është nisur sot me helikopter drejt Italisë për trajtim të specializuar mjekësor. Ndërsa në Thumanë, përcillen në banesën e fundit familjarët e tij.
Albert Cara, ka humbur gruan, vajzën, dy djemtë, dhe të fejuarën e djalit. Po nga familja Cara humbën jetën, gruaja e xhaxhait të Albertit dhe vajza e saj.
54-vjeçari Albert Cara është në gjendje të rëndë ndaj u vendos transportimi i tij në vendin fqinj.
Kryeministri Rama dhe Ministrja Manastirliu ndoqën nga afër transferimin e Albertit nga spitali i Traumës në aeroportin e Rinasit. Qeveria italiane, nëpërmjet departamentit të mbrojtjes civile ka ofruar mbështetjen për trajtimin e dy të mbijetuarve. Dy ditë më parë u transportua drejt Italisë Marlin Shkodra, 30 vjeçari i mbijetuar nga tragjedia e ndodhur në Durrës, i cili po merr trajtim të specializuar në Bari të Italisë. /AbcNews.al
