Një ngjarje e rëndë ka ndodhur pasditen e sotme rreth orës 18:30 në fshatin Trevllazër në Vlorë.
Një 60-vjeçar me iniciale M.K., ka ndërruar jetë pas një aksidenti me zetor.
Ai ishte duke punuar tokën teksa zetori i është përmbysur dhe e ka zënë poshtë.
Vlorë/Informacion paraprak
Rreth orës 18:25, në hyrje të fshatit Trevllazër, një zetor duke punuar tokën aksidentalisht është përmbysur dhe si pasojë drejtuesi shtetasi M.K., rreth 60 vjeç, banues në fshatin Skrofotinë, Vlorë, ka ndërruar jetë.
Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes.
