Ceromonia e inagurimit të presidentit të ri të Kosovës
“Jam njeri i zakonshëm, president i një populli heronjsh”, ka thënë sot presidenti i ri i Kosovës Hashim Thaçi, në ceremoninë e marrjes së detyrës së presidentit. Në këtë ceremoni solemne kanë marrë pjesë përfaqësues të rëndësishëm politikë ndërkombëtarë.
Nga Shqipëria kanë qenë present në tre krerët e shtetit shqiptar: Presidenti Bujar Nishani, Kryeministri Edi Rama dhe Kreu i Kuvendit, Ilir Meta. Kroacia është përfaqësuar nga Presidentja e Republikës, Kolinda Grobar Kitaroviç. SHBA përfaqësohëj nga zyrtari i lartë i DASH, Hoyt Le, ndërsa vendet kryesore të BE-së nga zyrtarë të Ministrive të Jashtme.
“Kam emocione dhe nderë që në këtë shesh të iu drejtohem si president i Republikës se Kosovës. Ju ftoj si qytetar të lutemi dhe t’i falënderojmë të gjithë ata që dhanë jetën që ne sot të jemi të lirë. Sot jemi të bashkuar si vend dhe si popull . Me kontributin dhe sakrificën tuaj sot i tregojmë botës që kemi arritur pjekuri si shtet demokratik. Sot po fillojmë një traditë të re. Kjo ceremoni është një kapitull i ri në librin tonë të përbashkët të sukseseve dhe janë monumentet e shtetësisë që po i qëndisim bashkë. Shteti ynë nuk do të ndalet, nuk do të pauzojmë”, tha Thaçi.
