Kryeministri i Kosovës, Ramush Haradinaj është shprehur se ka thënë të vërtetën se kryeministri shqiptar u bë palë me presidentin serb Aleksandër Vuçiç dhe i kërkoi heqjen e takës 100%.
Gjatë një deklarate për mediat, Haradinaj tha se ai do të thotë të vërtetën pa marrë parasysh kujt i pëlqen ose jo.
“Kryeministri Edi Rama është vëlla i imi ashtu sikurse janë krejt shqiptarët kudo që janë. Të vërtetën do ta them pa marrë parasysh kujt i pëlqen ose jo. Unë kam thënë të vërtetën për Samitin e Berlinit”, tha kryeministri i Kosovës.
Kujtojmë se pas Samitit të Berlinit, kryeministri i Kosovës u shpreh se Rama mbështeti qëndrimin e presidentit Vuçiç për heqjen e taksës kundrejt Serbisë.
