Deputetja mbështetëse e Blushit, përballet me Ramën në Shkodër, kërkon zgjehdje në parti dhe duartrokitet nga salla e mbushur me socialistë
“Ardhtë sa më parë dita që kjo parti dhe fati i saj të jetë në dorën tuaj”, ky ishte mesazhi që deputetja socilaiste përcolli sot gjatë anëtarësimit të disa të rinjve në PS, në Shkodër. Rama e ftoi deputeten kundërshtare të japë teseren një vajze të re që po anëtarësohej në atë moment në PS. “Meqë Elma është maturante unë them të thërrasim një profesoreshë ti japë kartën, Mimoza Hafizin”, ka thënë Rama ndërsa deputetja Hafizi është përgjigjur: “Unë nuk jam vetëm profesoreshë por dhe politikane, prandaj që të mos flasin vetëm politikanët burra po i them dhe unë dy fjalë si politikane grua.
Shpresoj shumë që ju në PS të dashur të rinj dhe të reja vini për një karrierë të gjatë, të merituar dhe besoj që ju shpresoni që progresin e kësaj karriere ta meritoni. Që të mos lejoni të shpërpilleni as ju dhe as shokët tuaj.Dëshiroj shumë që të keni ardhur në PS për të gjetur një strukturë demokratike, për të gjetur një strukturë ku respektohen rregullat dhe normat, për të gjetur një strukturë ku secili prej jush ka të drejtë të zgjedhë dhe të zgjidhet”, tha Hafizi.
Deputetja socilaiste Mimoza Hafizi është bashkuar me Ben Blushin në kritikat për shkeljen e statutit të Partisë Socilaiste nga kryetari Rama.
Gjatë fjalës së saj në prani të kryeministrit Rama, Hafizi përsëriti qëndrimjet kritike të saj duke kërkuar të zhvillohet garë në parti. Salla e socialistëve e ka duartrokitur Hafizin duke miratuar me sa duket qëndrimine saj kundër Ramës.
