Sekretari i PD-së në Itali, dhe njëherësh guvernator i rajonit të Lazios, Nicola Zingaretti ka rezultuar pozitiv për testin e koronavirusit.
Lajmin e ka konfirmuar vetë ai, përmes një videomesazhi për qytetarët, ku iu kërkon atyre sa më shumë durim, për të kaluar këtë periudhë të vështirë për të gjithë Italinë.
“Mjekët më kanë thënë që jam pozitiv me Covid 19. Jam mirë, por do të më duhet të qëndroj në shtëpi për disa ditët e ardhshme. Nga këtu do të vazhdoj të ndjek punën që duhet të bëjë. Guxim për të gjithë dhe do të shihemi së shpejti! Në këtë moment unë do të jap një shembull të mirë, duke ndjekur udhëzimet e mjekëve, shkencës, duke u përpjekur të ndihmoj duke punuar nga shtëpia sa më shumë që të jetë e mundur. unë do të luftoj, siç është e drejtë të bëjmë tani për secilin nga ne dhe për të gjithë vendin “, tha më tej guvernatori i Lazios, që të paktën fizikisht nuk duket të ketë pasoja ende nga Covid 19
