28 tetori i vitit 1940 që njihet si dita e “JO”-së, ditë kur u shënua fillimi i luftës italo-greke dhe më e rëndësishmja e kalendarit zyrtar grek, u lejua të festohej ditën e djeshme në Shqipëri.
Lidhur me këtë ngjarje, historiani dhe studiuesi Arben Llalla tha se Greqia para katër ditësh ndaloi çdo tubim dhe çdo manifestim për rastin e 28 tetorit në Greqi.
Në një lidhje me Skype në “Abc-ja e mëngjesit”, studiuesi shtoi se 28 tetori u festua në Shqipëri, ndërsa kujton ironinë se e policisë shqiptare ku dënoi me 50 milionë lekë të vjetra, PDIU dhe Shoqatës Çamëria që organiazuan protestën për ardhjen e ministrit grek në Tiranë.
“Greqia para katër ditësh ndaloi çdo tubim dhe çdo manifestim për rastin e 28 tetorit në Greqi. Personat që do të dilnin të festonin, do të dënoheshin 1 deri në 5 vjet burg. Këto ishin masat e marra nga qeveria greke për shkak të koronavirusit. Ironia qëndron sepse në Shqipëri, grekët u lejuan dhe erdhën në vendin tonë nga Athina dhe vendet e tjera për të manifestuar këtë festë. Si është e mundur kjo? Vetë Greqia brenda territorit të saj e ndalon, ndërsa tek ne mbahet pa asnjë lloj problemi por kujtoj këtu se shteti shqiptar ndalon dhe dënon me 50 milionë lekë të vjetra, PDIU dhe Shoqatës Çamëria që organiazuan protestën për ardhjen e ministrit grek në Tiranë. Kjo është ironia. Zv.ministri i jashtëm grek dhe ambasadorja greke në Tiranë u përkulën para varrit të Kacifas, ku u betuan dhe për mua ky akt bie ndesh me atë që kryeministri Rama dhe policia e shtetit që thanë se ne vramë një terrorist që godiste me armë, ndërsa shteti grek e vlersoi si hero“, u shpreh Arben Llalla.
