Një sasi prej 20 kilogramë kanabis janë sekuestruar nga policia greke ndërsa në pranga është vënë një shtetas shqiptar i akuzuar për trafik droge.
Arrestimi i 26 vjeçarit u bë në një zonë pyjore, pranë vendit të quajtur Kavasila, në distancë shumë të afërt nga kufiri shtetëror.
Ai akuzohet se bashkë me një person tjetër, që i shpëtoi arrestimit, po sillnin në Greqi 20,7 kg kanabis, të futur në dy çanta udhëtimi. Duket se ata kishin kaluar kufirin në orët e mbrëmjes dhe i diktuan ndërsa po ecnin në këmbë në territorin grek.
