Mbrëmjen e djeshme grupet anarkiste dhe forcat policore në Greqi janë përplasur me njëri-tjetrin në qendër të Athinës.
Grupimet anarkiste ishin grumbulluar në mjediset e Universitetit Politeknik kur sulmuan me koktejle molotov njësitë e trupave speciale që patrullojnë në atë zonë, fare pranë sheshit Omonia. Përveç sulmit ndaj forcave policore, anarkistët u vunë zjarrin disa kazanëve të mbeturinave.
Nga përleshjet nuk pati të lënduar apo plagosur ndërsa automjetet e parkuara shpëtuan pa dëmtime. Në rrugën Patision u ndërpre për disa orë qarkullimi i automjeteve që u hap sërish pas mesit të natës. Gjatë aksionit të policisë u arrestuan disa persona të cilët do të hetohen në lidhje me sulmin.
