Në një kohë kur qeveria shqiptare mban të fshehta diskutimet me palën greke e fqinjët tanë deklarojnë se kanë arritur marrëveshjen për detin dhe kanë rënë dakord për të zhdukur termin Çamëri nga tekstet shkollore, edhe terri informativ do të duhej për “vulosur” gjithçka.
Pas publikimeve të shumta të 27.al që tregojnë prapaskena që ndoshta asnjëra nga qeveritë nuk do të donte të diheshin, faqja jonë në Facebook është sulmuar nga grekët.
Megjithatë ne do të vazhdojmë të pasqyrojmë fakte nga historia e Çamërisë, sepse ajo nuk mund të zhbëhet me një marrëveshje. Një histori e jetuar nuk mund të ndryshohet a harrohet me disa firma. Ne do të vazhdojmë të informojmë shqiptarët mbi dritëhijet e një marrëveshje që zvarritet në disfavor të popullit tonë.
