Partia për Drejtësi, Integrim dhe Unitet ka zhvilluar sot një takim me Forumin e Gruas. Fjalën hapëse e mbajti Kozeta Mesiti, e cila theksoi se gratë çame janë diskriminuar e nuk e kanë marrë atë që meritonin vetëm se vinin nga Çamëria. Mesiti theksoi se gratë çame gjithsesi ia dolën dhe se do të kthehen në Çamëri.
“Jemi nëna dhe gra që erdhëm në jetë nga dhimbja e nënave e gjysheve tona. Dhimbje që u shkaktua nga gjenocidi grek që na detyroi të largohemi nga trojet tona. Çamëria i ushqeu nënat dhe gjyshet tona kur nuk kishin për të ngrënë.
Gratë e komunitetit tonë edhe pse të afta për familjen e shoqërinë asnjëherë nuk e kanë marrë atë që meritonin vetëm sepse ishin çame. Gratë çame ja dolën, ne sot ndihemi krenare për to!
Ende refuzohemi e luftohemi egërsisht nga politika të vjetra e të reja brenda dhe jashtë kufirit, ndaj të nderuara gra dhe vajza me shumë se kurrë kauza jonë është e burrave e grave , e të gjithëve. Jemi ende non grata në trojet tona, duan apo nuk duan ne do të shkojmë ne Çamëri”, tha Mesiti.
