Policia ka arrestuar një nga grabitësit e Rinasit, i cili kishte mbetur në arrati, shtetasin Jetmir Çerpja.
Çerpja është anëtari i pestë që arrestohet dhe mësohet se ka marrë pjesë në grabitje i armatosur. Ai mendohet se ka krijuar lidhje me grupin që në Greqi. Arrestimi ka ndodhur në Dibër, ndërsa është bërë menjëherë transportimi i tij në Tiranë.
Katër grabitësit e tjerë, Fatjon Xhyliu, Neim Avdylaj, Ernest Kupa dhe Ditjon Memlika u arrestuan pak ditë më parë në Tiranë.
Në bazë të dyshimeve ata vepronin si një grup i strukturuar kriminal. Si drejtues kryesor i grupit, dyshohet të jetë Admir Murataj, i cili vazhdon të mbetet në kërkim.
