Nënkryetari i Lëvizjes Socialiste për Integrim, Petrit Vasili ka komentuar strategjinë e shteteve të Bashkuara për të luftuar korrupsioni. I dërguari specila për Ballkanin Perëndimor, Gabriel Escobar ndodhet sot në një viiztë zyrtare në Tiranë, ndërsa ka dhënë mesazhe të forta për luftën kundër të korruptuarve.
Sakaq, në një postim në rrjetet sociale, Vasili ndrë të tjera shkruan se në këtë luftë, Amerika ka parasysh Edi Ramën.
Postimi i plotë:
Amerika fokusohet fort te lufta kunder korrupsionit!
Eshte shume e qarte qe Amerika ka parasysh vetem Edi Ramen, qe e ka bere Shqiperine vendin e dyte me te korruptuar ne bote dhe vendin e dyte ne Europe per pastrimin e parave.
Keto jane faktet dhe pergjegjesi eshte Edi Rama si dhe kushdo tjeter, qe i ben fresk atij dhe fut lugen ne çorben e qelbur te korrupsionit te Rames.
NJOFTIMI AMBASADES AMERIKANE.
“Zëvendës Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor Gabriel Escobar vizitoi më 9 dhjetor Shqipërinë, ku u takua me kryeministrin Edi Rama, Ministren e Jashtme Olta Xhaçka, kryetarin e Partisë Demokratike Lulzim Basha dhe udhëheqës të tjerë. Gjatë takimeve të tij, Zëvendës Ndihmës Sekretari Escobar falënderoi Shqipërinë për partneritetin e saj të fortë me Shtetet e Bashkuara dhe rikonfirmoi mbështetjen e fortë të SHBA për anëtarësimin e Shqipërisë në BE.
Ai vuri në dukje fokusin e Shteteve të Bashkuara në luftën kundër korrupsionit, pandëshkueshmërinë dhe përpjekjeve për të minuar demokracinë në Ballkanin Perëndimor. Escobar mirëpriti forcimin e mëtejshëm të marrëdhënieve SHBA-Shqipëri, bashkëpunimin tonë në fushën e mbrojtjes si aleatë të NATO-s dhe krijimin e më shumë mundësive për tregti dhe investime. Escobar mirëpriti gjithashtu punën e përbashkët midis Shteteve të Bashkuara dhe Shqipërisë për integrimin rajonal dhe global – veçanërisht kur të dyja vendet do të shërbejmë në Këshillin e Sigurimit të Kombeve të Bashkuara në 2022”.
