Vetëm pak momente pasi IKMT përfundoi prishjen e 33 objekteve në zonën e “Astirit”, një nga banorët rrëfen mbi përplasjen e ditës së sotme.
Mirilda Tili e cila shprehet se që në orën 05:30 u mbush vendi me polici.
Banorja thotë se janë hedhur 4 gaz lotësjellës dhe dy molotov dhe se gjithçka u bë për të patur viktima dhe jo për të trembur banorët.
“U hodh gaz lotësjellës nga policia. Ne ishim të rrethuar nga të katërta anët me polic dhe hodhën edhe molotov.
Natën do e kalojmë jashtë. Na thanë që do prisheshin vetëm 8 banesa të cilat thuhet se kanë marrë dëmshpërblim. Të gjitha banesat dhe bizneset janë prishur me gjithçka ka patur brenda.
Të hidhen 4 gaz lotësjellës dhe 2 molotov, nuk ishin për të trembur por të patur viktima këtu në Astir.”
